Li girtîgeha Tîpa H a Erziromê çend roj berê 10 girtî hatin sirgûnkirin. Hat zanîn ku 100 girtiyên din jî hatin sirgûnkirin.

Piştî girtiyên ji doza PKK û PAJK'ê yên di 12'ê Îlonê de ji bo azadiya Rêberê Gelê Kurd Abdullah Ocalan dest bi çalakiya gireva birçîbûnê ya bêden û bêdorveker kirin û dawî li piştî banga Rêberê Gelê Kurd Abdullah Ocalan di roja 68'an de dawî li çalakiyê anîn, girtî yek bi yek tên sirgûnkirin. Çend roj berê li Girtîgeha tîpa H Erziromê 10 girtiyên siyasî hatin sirgûnkirin. Hat zanîn ku dê 100 girtiyên din jî bên sirgûnkirin. Nûnerê Komeleya Alîkariya Hiqûqî ya Malbatan (TUHAYD-DER) yê Bazîdê Mehmet Bozkurt, diyar kir ku zextên li girtîgehan her ku diçe zêde dibe.
Girtiyê ku ji Girtîgeha Tîpa H a Erizormê sirgûnî Girtîgeha Tîpa F a Kirikkaleyê hat kirin Mehmet Emin Aladag, anî ziman ku girtiyên ketibûn greva birçîbûnê piştî dawî li çayakiyê anîn zext û neheqiyê li ser wan zêd bûn.

Aladag anî ziman ku di 21'ê Çile de girtiyên bi navê Haci Sîncer, Zekî Bayhan, Muzaffer Akkış, Medeni Tarlan, Ataç Gube sirgûnî Girtîgeha Tîpa F a Sîncanê hatin kirin. Girtiyên bi navê Mehmet Tiryakî, Mehmet Derelî, Omer Çelîk, Muhsin Avci û ew (Mehmet Emin Aladag) jî sirgûnî Girtîgeha Kirikkaleyê hatin kirin.

Nûnerê TUHAYD-DER'ê yê Bazîdê Mehmet Bozkurt jî anî ziman ku her diçe zextên li ser girtiyan zêde dibe û pitî 10 girtî hatin sirgûnkirin dê 100 girtiyên din jî bênsirgûnkirin.

Rayedarên girtîgehê jî der barê mijarê de tu agahî nedan.