Doza KCK'ê ku 97 jê girtî 175 siyasetmedarên kurd tên darizandin di bin dorpêça leşker û polîsan de li 6'emîn  Dadgeha Cezayên Giran a Amedê destpê kir. Rûniştinê dîsa bi xwendina delîlan destpê kir. 

16'emîn rûniştina doza KCK'ê ya sereke a 59'emîn danişîna wê ya Amedê ku 97 jê girtî 175 siyasetmedarên kurd 4 salin tên darizandin li 6'emîn  Dadgeha Cezayên Giran a Amedê di bin dorpêça leşker û polîsan de destpê kir. Sere sibê girtiyên siyasî bi maşîneyên ringê ji girtîgehan anîn avahiya edliyê. Girtî di bin dorpêça polîs û leşkeran de derxistin salonê. Di rûniştina îro de Parlamentera BDP'ê ya Şirnexê Selma Irmak Rojnameger Tayip Temel, Şaredarê Êlihê Necdet Atalay, Şaredara Dêrikê Çaglar Demirel û Şaredarê Cizîrê Aydın Budak jî di navde 46 jê girtî 6 serbest bi tevahî 51 kes amade bûn. Di rûniştina ku delîlên der barê Cîgirê Şaredarê Qoserê û endamê komîsyona Rêveberiya Herêmî û Ekolojîk Selanik Oner de hatin xwendin. 

Li bendê ye ku heyeta dadgehê pişti rûniştina îro biryara navberê bide.