Alîkariyên ji Bakûrê Kurdistanê bo Rojava hatibûn berhevkirin, piştî deriyê sînor yê Nisêbînê, ji deriyê sînor yê Akçaleyê derbasî Rojava bû. alîkariyên ji Şirnex û navçeyên wê hatibûn berhevkirin teslîmê rayedarên kurd yên Kobanê kirin.

Alîkariya ku ji Şirnex û navçeyên wê hatibûn berhevkirin yek TIR û 5 kamyonan pêk dihat.  Alîkarî ji bo bigihêje bajarê Kobanê ya Rojava birin navçeya Pirsûs a Rihayê. Li vir wesayîtên ji aliyê şaredariyê ve hatibûn oganîzekirin, di Deriyê Sînorê Akçakaleyê de teslîmê heyeta ku ji Kobaniyê hatibûn, kirin. Amûrên alîkariyê yên ji xurek û hrw din pêk dihatin teslîmê heyeta ku serokatiya wê parêzer Enver Muslum dikir, hat kirin. wesayîtên xistin qada Gumurê, alîkarî dewrê wesayîtên Kobanê kirin û berbi Kobanê ket rê. Muslum ji bo alîkariya hatiye kirin spas kir û wiha got: “Rojava li bende alîkariya Bakûre.  Li wir hewcedarî her xurekî heye.  Daxuyaniyek û alîkariyên bakur me gelek kêfxweş dike. Coş û morel didin şoreşa me.  Ji bo vê divê gelê me yên Bakûr zêdetir alîkariyê bidin.”

Hevserokên BDP’a Rihayê Halît Yildiztekîn û Leyla Akça, şaredarê Wêranşarê Mehmet Burun, wekîla şaredariya Pirsûsê Hulya Demîr û nûnerên BDP’ê ku xurek teslîm kirin, li ser navê wan Halît Yildiztekîn axivî û got peywira herî sereke eve ku li cem gelê Rojava cih bigirin.