Çalakên ferazî yên înternetê Anomymous ên ku êrîşên polîtîk li hemberî malperên herî bi ewle yên cîhanê pêk tînin, bi boneya piştgirî bide Redhackê (Hackerên Sor) û ji bo protestokirina gendeliya (nelirêtî) ya di KPSS’ê de malpera Navenda Bijartin û Bichkirina Xwendekaran (OYSM) kişand nava operasyonekê.

Koma Anonymous ku weke gerîlayên înternetê tên zanîn, beriya niha gelek caran êrîş birin ser malperên înternetê yên FBI, CIA û malperên gelek hikûmetên cîhanê. Vê carê ji ber gendeliyê êrîşê KPSS’ê ya rejîma AKP’ê kirin.

Di encama êrîşê de gihiştina malpera OYSM’ê hat astengkirin û di heman demê de malpera Şaredarê Enqereyê Melîh Gokçe jî kirin hedef û girtin.

Beriya vê çalakiyê Redhackê êrîşê malpera Midûriyeta Emniyeta Enqereyê kiribû û hemû îxbarên ji di navbera salên 2002 û 2012 de bi rêya înternetê hatibûn kirin û kesên îxbar kirine aşkere kiribû.

RedHackê ji ber skandala di KPSS’ê de di 14’ê tîrmehê de êrîşê malpera înternetê ya Wezareta Perwerdehiyê ya Tirk kiribû û gihiştina malperê asteng kiribû.