Keşfên artêşa Tirk ên li ser Herêmên Parastina Medya bênavber didomin.

Navenda Çapemenî û Ragihandina HPG’ê (NÇR-HPG) di daxuyaniya xwe ya nivîskî de diyar kir ku ev sê rojên dawî, li Herêma Zagros a girêdayî Herêmên Parastina Medya bênavber balafirên keşfê digerin.

NÇR –HPG got; “Dîsa di navbera 15’ê Îlonê saet 22.30’an, 16’ê Îlonê (îro) saet 05.00’an de li herêma Zapê û saet di navbera 12.00 û 13.00’an de herêma Heftenîn balafirên keşfê geriyane.” HPG her wiha destnîşan kir ku li herêmên Heftanîn û Zagros jî duh bi şev balafirên şer geriyane.

 Li Mêrdînê jî tevgera leşkerî heye. Li gor vê 15’ê Îlonê (duh) saet navbera 15.00 û 16.00’an helîkopterên skorskî li çiyayê Bagokê keşif pêk anîne.

HPG wiha dewam kir: “Li gel vê di navbera herêma Marîna û gundê Mîre yê girêdayî navçeya Nisêbînê ya Mêrdînê tevgereke zêde ya leşkeran  heye.”