Bîlançoya bagera Bualoi'yê roja Duşemê giran bû. Rayedarên parastina sivîl a Fîlîpînê çend roj piştî derbasbûna bagerê daxuyanî dan û gotin, 24 kesan jiyana xwe ji dest dan. Li Vîetnamê ku bagerê bandor lê kir, herî kêm 11 kesan jiyana xwe ji dest dan.

Bagerê êvara Yekşemê bi hêza 130 km/saetê gihîşt peravên Vîetnamê, banê xaniyan firand, kolan di nava avê de hişt û dema ku berê xwe da Laosê qels bû.

Li Vîetnamê piraniya kesên ji ber bagerê jiyana xwe ji dest dan li eyaleta Ninh Binhê ji ber babîsokê jiyana xwe ji dest dan. Herî kêm 20 kes hîn jî winda ne. Herî kêm 20 kes jî winda bûn, ku hin ji wan masîgir bûn.

Zêdeyî 53 hezar kes ji bo herêmên bi ewle hatin veguhestin, çar balafirgeh hatin girtin û zêdeyî 180 seferên balafiran hatin betalkirin.

Li Fîlîpînê zêdeyî 400 hezar kes hatibûn veguhestin. Lê belê li gelek herêmên Biliran, Masbate û Samarê gelek kes xeniqîn û di binê xirbeyan de man, jiyana xwe ji dest dan.

Pispor dibêjin, her sal herî kêm 20 bager li herêmê radibin û bi krîza avhewayê re ev felaket hîn zêde û hilweşîner bûye.