Partiya Aştî û Demokrasiyê (BDP), di hilbijartinên Parlamenta Federal a Elmanyayê yên 22'ê Îlonê de, piştgiriyê dide namzeta Partiya Çep a Eyaleta NRW siyasetmedara Kurd Ayten Kaplan. Parlamenterê BDP'ê yê Bêdlisê Husamettîn Zenderlîoglû bi armanca destekdayîna Kaplan tê Elmanyayê.

Namzeta Partiya Çep a Eyaleta Nordrhein Westfalia NRW ya rêza 11. siyasetmedara Kurd Ayten Kaplan, piştî saziyên penaberan, ji Partiya Aştî û Demokrasiyê (BDP) jî ji bo hilbijartinên 22'ê Îlonê yên Parlamentê piştgirî dît. Parlamenterê BDP'ê Husamettîn Zenderlîoglû, di navbea 6-8'ê Îlonê de dê li eyaleta NRW beşdarî kampanya hilbijartinê ya Kaplan bibe. Zenderlîoglû li gel hin danûstandinên xwe wê li vê derê Kurdan re bicive û di hilbijartinên 22'ê Îlonê de ji bo Ayten Kaplan dengan bixwaze.

Bernameya Parlamenterê BDP'ê yê Bêdlisê Husamettîn Zenderlîoglû û Ayten Kaplan a navbera 6-8'ê Îlonê ya li eyaleta NRW weha ye:

6'ê Îlonê, Emmerich  
Cih: Emmerich  Mala Êzidiyan
Saet: 18:00
Navnîşan: Ossenbruck 2, 46446 Emmerich

7'ê Îlonê, Dortmund  
Cih : Dt.- Kurd.- Kulturverein e.V.
Saet: 15:00
Navnîşan: Rheinische Str. 78/80, 44137 Dortmund

7'ê Îlonê, Hagen
Cih:  Kurdischer Kulturverein
Saet: 18:00
Navnîşan: Körnerstr. 94, 58065 Hagen

8'ê Îlonê, Koln  
Cih: Mala Kurdan
Saet:13:00
Navnîşan: Zehntstr. 7/11, 51065 Köln

8'ê Îlonê, Dusseldorf
Cih: Navenda Canda Kurda e.V.
Saet: 18:00
Navnîşan: Eller Str. 192, 40227 Dusseldorf