Parlamenterê BDP'ê yê Rihayê Îbrahîm Bînîcî, li gel parazvanên mafên mirovan li Seyrangeha Arvanatê ya Sîweregê herêma ku hestiyê 33 mirovan lê hat dîtin ziyaret kir û lêkolîn kir. Bînîcî, anî ziman ku hikûmeta AKP'ê hestiyên Rojhilatê Firatê lêkolîn nake û naxwaze ev hestî derkevin holê. Bînîcî, anî ziman ku dewlet ger naxwaze di bin sûcdariyê de bimîne divê van hestiyan derxe û kujerê van komkujiyan ronî bike. Xizmê Windayan Mustafa Geyîk jî diyar kir ku ji her derê Tirkiyeyê hestî derdikevin. 

Li goma malbata Galoj a Seyrangeha Ayvanatê ya Sêweregê hefteya borî gora komî hatibû dîtin û di gora komî de hestiyê 33 mirovan hatibû dîtin. Parlamenterê BDP'ê yê Rihayê Îbrahîm Bînîcî, Rêveberên BDP'ê, Serokê Şaxa ÎHD'ê ya Rihayê Cemal Babaoglu û xizmên windayan tev li heyetê bûn. Bînîcî û heyeta pêre Dozgerê Komarê yê Sêweregê ziyaret kir û agahî wergirtin. Heyet piştre derbasî qada gora komî bûn. Li ser navê heyetê Bînîcî li vir axaftin kir û diyar kir ku lazim e ev komkujî û gorên komî ronî bibin. Bînîcî, anî ziman ku her derê welatê kurdan vegeriyaye gorên komî û wiha got: "Gelek mirov di odeyên lêpirsînê de hatin qetilkirin. Belge û şahidên van bûyeran hene. Li vir înfaz û hovîtî heye. Îşkence û komkujî heye. Divê ev komkujî bi berfirehî bê lêkolînkirin û ger ku JÎTEM e ango rêxistinek din e divê be ronîkirin û cezakirin. 

Birayê Huseyîn Taşkaya yê di di 6'ê Kanûna 1993'an de li Taxa Baglarê ya Sêweregê ji aliyê 15 maşîneyên cerdevan û leşkeran ve hat revandin û windakirin, Aziz Taşkaya diyar kir ku birayê wî her hestiyek tê dîtin ew difikire ku aydî birayê wî bin. Azîz Taşkaya, anî ziman ku 20 salin li hestiyê birayê xwe digere û 

Birayê Adîl Geyik ê di 12'ê Îlonê de hat revandin û windakirin Mustafa Geyîk jî anî ziman ku birayê wî û hevalekî xwe bi hevre hatin binçavkirin û windakirin. Gekîk, da zanîn ku ev gora komî hovîtiya dewleta Tirkiyeyê li ber çavan radixe."