Navenda çapemeniya YPG’ê navê 3 şervanên xwe yên ku di pevçûnên dawî yên li Serêkaniyê de jiyana xwe jidest dane eşker kirin. Cenazeyên şervanên YPG’ê ji aliyê sedan kesî ve hatin definkirin.

Navenda çapemeniya YPG’ê navên 3 şervanên YPG’ê yên ku di pevçûnên 20-21’ê Tebxê de li Serêkaniyê di navbera hêzên YPG’ê û çeteyên El-Nusra de jiyana xwe jidest dabû, bi daxuyaniyekê eşker kirin. Li gorî daxuyaniyê sicîlên şervanên YPG’ê wiha ne:

Nav û paşnav: Îbrahîm Dawê

Nasnav: Serhed Hesekê

Navê dayîkê: Hedla

Navê bav: Ehmed

Cihê jidayîkbûnê û dîrok: Hesekê/1993

Di sala 2012’an de li Hesekê tevlî nava refên YPG’ê bûye û di 21’ê Tebaxê de li Serêkaniyê jiyana xwe jidest da.

Nav û paşnav: Ebdurehîm Hiso

Navsnav: Şervan Hesekê

Navê dayîkê: Terfa

Navê bav: Silêman

Cihê jidayîkbûnê û dîrok: Hesekê/1989

Di sala 2012’an de li Hesekê tevlî nava refên YPG’ê bûye û di 20’ê tebaxê de li Serêkaniyê jiyana xwe jidest da.

Nav û paşnav: Elai Tewfîq

Nasnav: Elai

Navê dayîkê: Helîma

Navê bav: Tewfîq

Cihê jidayîkbûnê û dîrok: Serêkaniyê/1975

Di sala 2013’an de tevlî nava refên YPG’ê bûye û di 20’ê tebaxê li Gundê Cava yê Serêkaniyê jiyana xwe jidest da.

HERSÊ CENAZE SIPARTIN AXÊ

Cenazeyên şervanên YPG’ê Îbrahîm Dawê yê Ebdurehîm Hiso, ji aliyê sedan kesî ve ji navenda tenduristiyê ya Amûdê hatin wergirtin û bi karwanekî wesayîtan birin Goristana Şehîd Dijwar a li Gundê Dawidiyê yê girdayî Hesekê. Piştî ku karwan gihîşt goristanê li vir merasîm hate lidarxistin.

Di merasîma ku bi rêzgirtinê destpê kir de Endama Desteya Rêveber a Tevgera Civaka Demokratîk(TEV-DEM) Welîda Bûtî, Endamê Saziya Malbatên Şehîdan Aldar Esed û malbatên herdû şervanên YPG’ê axivîn. Di axaftinan de soza şopandina xeta berxwedanê hate dayîn.

Piştî axaftinan cenazeyên Dawê û Hiso ji aliyê giseyê ve bi diruşme û tilîliyan spartin axê.

Cenazeyê şervanê YPG’ê Elai Tefîq jî bi merasîmekê li Goristana Şehîd Rustem Cûdî ya li gundê Berkevirê yê girêdayî Dirbêsiyê hate definkirin.

Ji bo merasîma cenaze, bi sedan kes li ber navenda Saziya Malbatên Şehîdan a bajarê Dirbêsiyê hatin cem hev. Welatiyên ku wêneyên Elai û alên YPG’ê hildabûn bênavber diruşum berz kirin. Di merasîma ku bi rêzgirtinê destpê kir de li ser navê Saziya Malbatên Şehîdan a Serêkaniyê Îda Serêkaniyê, li ser navê malbata Elai Tewfîq birayê wî Elî Tewfîq, li ser navê Tevgera Civaka Demokratîk (TEV-DEM) Xelîl Osman axivîn. Di axaftinan de bang li gelê Rojava hate kirin ku dest ji welatê xwe bernedin û xwedî li malên xwe derkevin. Di axaftina de berxwedana şervanên YPG’ê jî hate silavkirin.

Piştî axaftinan cenazeyê Elai Tewfîq bi karwanekî wesayîtan birin Goristana Şehîd Rustem Cûdî û li wir hate definkirin.