Cigirê Serokê Giştî yê CHP’ê Sezgîn Tanrikulu, xwest ku komîsyoneke ku li meclisê bê avakirin, bila pirsgirêkên Amedê nîqaş bike.

Parlamenterê CHP’ê yê Stenbolê Sezgîn Tanrikulu û hevalên wî  di pêşnemûya xwe ya pêşkêşî serokatiya Melcîsê kirin de diyar kirin ku ji bo pirsgirêkên bajarê Amedê bê lêkolînkirin û pêşniyarên çareseriyê bên kirin, kêmasiyên hikûmetê bê lêkolînkirin bila lêkolan meclisê bê kirin.

Di pêşnûmeyê de hat gotin ku pirsgirêkên herî mezin  yên Amedê kêmasiya perwerde û tendusitiyê ye û got divê li Amed û herêmê xebatkarên tenduristiyê yên ku bi zimanên kurdî û erebî biaxivin divê bên handan.

Di pêşnûmeyê de wiha hate gotin: “Li Amedê bi sedhezaran kesên ku ji mal û warê xwe hatin kirin, bi cih bûne û vê jî rê li ber prisgirêkên siyasî- civakî û aborî vekiriye. Li Amedê ji sedî 58’ê jinan rastî şîdeta fîzîkî, ji sedî 63.5 rastî şîdeta psîkolojîk û ji sedî 13.5 jî rastî ya zayendî û ya 16.2 rastî ya aborî tê. Her wisa ji sedî 52.7 rastî şîdeta hevserê xwe, ji sedî 14.9 ya dê û bav, ji sedî 5.4 ya hevalên xwe yên mêr tên.  Ji sedî 43.2 jin ewlehiya wan ya civakî tune. ji sedî 37.8 qerta kes, ji sedî 12.2 SGK wan heye.”