Koma ‘Dostên Gelê Sûriyeyê’ li paytexta Franse Parîsê civiya. Tê payîn ku di civînê de pêşîlêgirtinên nû yên li hemberî rejîma Esad û biryarên nexşerêya di civîna Cenevreyê de biryara wê hatibû dayîn, bên gotûbêjkirin.

Serokkomarê Franse Francois Hollande serokatiya civînê dike û ji 10 welatan nuner beşdarî civînê bûn. Lê ji muxalîfên Sûriyeyê tenê Konseya Neteweyî ya Sûriyeyê beşdar dibe. Hollande di vekirina civînê de axivî û diyar kir ku êdî krîza li Sûriyeyê aşitî û ewlehiya cîhanê tehdît dike. Hollande madeya 7’emîn a NY’yê ya ji bo mudaxeleya leşkerî destnîşan kir û got; “Ji bo vê jî divê em encamekê derbixin”.

Ev civîn di sibatê de li Tunisê û di nîsanê de jî li Stenbolê hatibû lidarxistin. Rûsya û Çîn beşdar nabin. Di civînê de bi taybet hêzên Rojavayî, welatên Kendavê, dixwazin ku embargo û zextên li ser Sûriyeyê zêdetir bên şidandin.

Dê di civînê de biryara “Hikûmeta Demkî” ya di civîna 30’ê hezîranê de li Cenenvreyê pêk hat de hat dayîn, û plana aşitiyê ya Nunerê Taybet ê NY û Komkara Ereban bên gotûbêjkirin.