Ciwanên Kurd li bajarê Holanda Den Haagê hatin cem hev û Kongreya Meclîsa Ciwanan a BDP'ê ya 30'ê Mijdarê pêk hat, silav kirin.

Ciwanên Kurd ên li Holandayê dijîn, duh li bajarê Den Haagê hatin cem hev û Kongreya Meclîsa Ciwanan a BDP'ê ku dawiya hefteya derbasbûyî pêk hat silav kirin.

Kombûna ciwanan bi deqeyeke rêzgirtinê destpê kir. Nûnerê Ciwanên Azad ê Holandayê Têkoşîn Koçgirî ji ciwanan re axivî û got, "Em kongreya ciwanên li Bakurê Kurdistanê silav dikin. Di heman demê de em soz didin ku emê bersivê bidin şehadeta 2 Kurdên li Geverê hatin qetilkirin."

Koçgirî got, "Dema me amadekiriya vê şahiyê dikirin, nûçeya du şehadetan gihaşt me" û anî ziman ku weke ciwanên Kurd ew gelek tiştan bi hev re dijîn. Koçgirî got, "Li gorî me, şehadeta wan hevalan, dibe ku bersivek li kongreyê û pêvajoya siyasî be."

Koçgirî diyar kir ku ew weke ciwanên Kurd ên li Holandayê dê xebatên xwe zêde bikin.