Li paytexta Norwêc Osloyê, ciwanên Kurd li semta Grønlandê li ser navê Heyva Sor a Kurdistanê stand vekirin û ji bo Êzidiyên Şengalî alîkarî kom kirin.

Li standê, li gel berhevkirina alîkariyê li ser rewşa dawî ya li Iraq û Başûrê Kurdistanê broşur hatin belavkirin. Di broşuran de bal hat kişandin ser aktîvîteyên çeteyên DAIŞ'ê yên li welatên Ewropayê û hat destnîşankirin ku di bin navê mexdûrên şer ên Sûriyeyî de ji bo DAIŞ'ê pere tên komkirin. Û bang li gelê Norwêcê tê kirin ku alîkariya pere nede van kesan.

Li dora standê pankartên bi zimanê Norwêcî yên bi nivîsên "Li Kurdistanê hem Êzidî, hem Misilman, hem Xiristiyan û hem jî Yahûdî hene", "Em komkujiyên DAIŞ'ê şermezar dikin" hatin daliqandin.

Stand rastî eleqeyeke mezin a biyaniyan û Norwêciyan rast hat.  Stand wê heta roja Înê saet di navbera 12 û 18'an de dewam bike.