Ji ber êrîşa komên çete ên dîndarên radîkal 2 welatiyên ku li Serêkaniyê birîndarbûn û li Serêkaniya serxetê jiyana xwe ji dest dan, hate diyarkirin ku dê cenazeyên hemwelatiyên Rojava şevê bişînin Rojava.

Piştî ku komên çete ên El Nesrayê êrîşî gundên Kurdan ên binavê Cafa û Nedasê ên ser bi Serêkaniyê kirin û 3 welatî di encama êrîşan de birîndarbûn, rakiribûn Nexweşxaneya Dewletê ya Serêkaniya serxetê. Welatiyên binavê Mîthat Ziyat û Azadê paşnavê wî nehate zanîn ku rewşa wan giranbû jiyana xwe ji dest dabûn. Welatiyên Rojavayî ên jiyana xwe ji destdayîn, cenazeyên wan rakirin morga nexweşxaneyê û hate gotin ku dê di demjimêrên 21:00’an de ji aliyê xizmên wan û BDP’ê ve ji bo bispêrin axê bişînin Rojavayê Kurdistanê.