Hevserokê BDP'ê Selahattîn Demîrtaş der barê daxwaza berda wekîlên BDP'yî yên girtî de bi Serokê Baroyê Tahîr Elçî re hevdîtin kir û agahî stend.

Piştî biryara Dadgeha Destûra Bingehîn a der barê Parlamenterê CHP'ê Mûstafa Balbay de, bala her kesî çû ser biryara Dadgehên 5. û 6. ên Cezayên Giran ên Amedê.

Ji ber ku dozgeran mutalayên xwe pêşkêşî heyeta dadgehê nekirine, ev nêzî hefteyeke biryar derneketiye. Lîderê BDP'ê Demîrtaş ji bo daxwaza berdana wekîlên girtî hevdîtinê bike û agahiyan bistîne çû serdana Serokê Baroyê Tahîr Elçî.

Hat hînbûn ku di hevdîtinê de Elçî agahî daye Demîrtaş û diyar kiriye ku li ser aşkerabûna biryara bi sedem a Dadgeha Destûra Bingehîn dozger amadekariya mutalaa dikin û tê payîn mutalayên xwe îro radest bikin.