Di pevçûnên şevê din de, ku heta serê sibê li herêma Serêkaniyê li nêzî gundê Til Helef di navbera hêzên YPG’ê û çeteyên DAIŞ’ê rû dan 45 çetey hatin kuştin, gelek jî birîndar bûn.

Li gorî agahiyên ji çavkaniyên YPG’ê hatine girtin, duh êvarê komên çeteyên rêxistina Dewleta Îslamî ya Iraq û Şamê (DAIŞ), êrîşî bendên kontrolê yên YPG’ê li derdora gundê Til Helef û Esfernecar kirin. Li ser vê yekê hêzên YPG’ê bersiv dan û encamê de pevçûn rû dan. Pevçûnan heta saetên sibê dewam kirin. Her wiha 45 çete hatin kuştin, gelek jî birîndar bûn û gelek ji wan ji meydana şer reviyan.

Çavkaniyan diyar kirin ku komên çete kuştî û birîndarên xwe derbasî Bakurê  Kurdistanê dikin û li wir têne dermankirin.