Di yekem roja Cejna Qurbanê de Komên çekdar ên Dewleta Îslamî ya Iraq û Şamê li herêma Çilaxa êrîşî 3 gundan kir. Di encama bersivdayîna hêzên YPG’ê de pevçûnên dijwar qewimîne. Hate hînbûn ku kuştî û birîndarên êrîşkaran hene.

Tevî fermandariya Giştî ya YPG’ê bi munasebeta Cejna Qurbanê bê çalakî îlan kiribû û diyar kiribû ku ew wê di rojên cejnê de çalakiyan pêk neynin. Komên çekdar ên Dewleta Îslamî ya Iraq û Şamê di yekem roja Cejna Qurbanê de êrîş pêk anîn. Li gorî agahiyên hatine bi destxistin îro saet di 06.30’an de komên çekdar ên Dewleta Îslamiya Iraq û Şamê êrîşî bendên kontrolê yê YPGê li gundê Til Elo, Til Elo Xemer û Xerab Bajar ên Çilaxa ya Girkê Legê kirin. Li ser bersivdayîna hêzên YPG’ê pevçûnên dijwar di navbera herdû aliyan derketine. Hate hînbûn ku di pevçûnan de kuştî û birîdnarên komên çete çêbûne. Derbarê hejmara kuştî û birîndaran de agahiyên zelal ne hatine bi destxistin.

Pevçûn bi dijwarî hîn didomin.