Di çalakiya Dayİkên Şemiyê ya vê hefteyê de aqubeta Abîdin Polat û Selîm Polat ku di sala 1993'an de dema di zeviya pembo de dixebitîn hatibûn binçavkirin û cardin jê agahî nehatin girtin, hate pirsîn. Di çalakiyê de hate gotin: "Em ji bo li ser dua bikin gorekî dixwazin." 

Li Navçeya Cizîrê ya Şirnexê vê hefteyê jî Dayîkên Şemiyê hatin cem hev û ji bo aqûbeta wendahiyan bipirsin çalakî li darxistin. Çalakiya ku li ber Lîseya Cizîrê hate lidarxistin bi tevlibûna xizmên wendahiyan, endamên MEYA-DER, ÎHD û KURDÎ-DER'ê pêk hat. 

Di çalakiya vê hefteyê de aqubeta Abîdin Polat û Selîm Polat ku di sala 1993'an de li gundê Takyana Silopiyê dema ku di zeviya pembo de dixebitîn ji aliyê leşkeran ve hatibûn binçavkirin û cardin jê agahî nehatin girtin, hate pirsîn. Keça Abîdin Polat ku çîroka windakirina bavê xwe vegot diyar kir ku ji wê demê heta niha tu agahî ji bavê xwe negirtiye û got: "Em ji bo li ser dua bikin gorekî dixwazin." 

Daxuyanî piştî çalakiya rûniştinê ya 5 deqeyan bi dawî bû.