Endamê Komîteya Navendî ya PKK'ê û yek ji fermandarên ARGK'ê Engîn Sîncer (Erdal) ku di sala 2003'an de li Qendîlê jiyana xwe ji dest da, li gundê Topalan ê navçeya Bazarcixê, li gel Hevseroka BDP'ê Gultan Kişanak ji aliyê bi hezaran kesî ve bi merasîmekê hat bîranîn.

Endamê Komîteya Navendî ya PKK'ê û yek ji fermandarên ARGK'ê Engîn Sîncer (Erdal) ku di 17'ê Tebaxa sala 2003'an de li Qendîlê jiyana xwe ji dest da, li gundê Topalan ê navçeya Bazarcixê, ji aliyê bi hezaran kesî ve bi merasîmekê hat bîranîn.

Di merasîmê de li gel malbata Sîncer, Hevseroka BDP'ê Gultan Kişanak, Şaredarê Bajarê Mezin ê Amedê Osman Baydemîr, Serokê Komeleya Çandê ya Pîr Sûltan Abdal Kemal Bulbul, malbata Fîdan Dogan, ji bajarên Mereş, Semsûr, Meletî, Dîlok, Edene, Mêrsîn û gelek bajarên din welatî amade bûn.

Balkêş bû ku ji danê sibê ve li ketin û derketina navçeya Bazarcixê hejmareke zêde polîs û cerdevan hatibûn bicihkirin. Bi sedan wesaîtên li Bazarcixê li hev kom bû, ji vê derê bi awayekî konvoyî ketin ser rêya gundê Topalanê. Girseya gel li ber Mala Cem a gund li hev kom bû û bi dirûşmên "Şehîd Namirin", "Hevalê Erdal namire", "Bijî Serok Apo" û "Bijî Berxwedana Rojava" ber bi goristana gund a gora Sîncer lê ye, meşiya.

Goristan û kolanên gund bi alên PKK, KCK û tevî Sîncer wêneyên gerîlayên di demên cûda de jiyana xwe ji dest dan, hatin xemilandin.

Girseya gel li goristanê deqeyekê rêz girt. Piştî dûa û merasîma li vir girseya gel çû mala cem.

Merasîma bîranîna Sîncer, wê li mala cem piştî xwarina xêrê, bi axaftinan dewam bike.