Girtiyên li Girtîgeha Tîpa E ya Mûşê di çarçoveya kampanyaya ku ji bo Rojava dabû destpêkirin 2 hezar TL berhevkirin û bi riya malbatên xwe ji Rojava re şandin. Her wiha girtiyan banga hîstiyariyê li gelê Kurd kir.

Girtiyên ji doza PKK û PAJK'ê yên li Girtîgeha Tîpa E ya Mûşê dimînin girtî ji bo alîkariya Rojava kampanyayik dabû destpêkirin. Girtiyên di çarçoveya kampanyayê de 2 hezar TL berhev kirin bi riya malbatên xwe ji gelê Rojava re şandin.

Her wiha girtiyan ji bo Rojava banga piştgiriyê kir û xwestin ku gelê Kurd bi ruhê seferberiyê tev bigerin. Girtiyan di banga xwe de wiha gotin: "Gelê me yên Rojava bi gelek zor û zehmetiyan, bi berxwedan û têkoşîna xwe şoreşek pêk anîn. Em vê şoreşê silav dikin. Tiştê ku dikeve ser milê kurdên li parçeyên din û yên diyasporayê bi her awayî piştgiriyê bidin gelê me yê Rojava."