Heyeta ku rewşa li Rojava lêkolîn dike, encamên lêkolînên xwe bi şêweyekî rapor radestî komîteya Amadekara Kongireya Navnetewî a Kurd kirin.

Komîteya Amadekara Kongireya Navnetewî a Kurd ku ji bo lêkolînkirina şert û mercên gel û bûyerên li Rojava di qewimin heyetek hatibû amadekirin, di 23’ê Tebaxê de heyet vegeriya Hewlêrê û ji bo lêkolînên xwe bi şêweyekî rapor radestî komîta Amadekar bikin sê rojan civîn çêkirin. Rapora ku heyetê amade kir radestî Komîteya Amadekara Kongireya Navnetewî a Kurd kirin.

Piştî civînê endamên Komîteya Amadekar Kemal Kerkûkî, Zekî Şengal û  ji heyeta çûne Rojava jî Mahmûd Gergerî, Delîl Amed û Şîlan Emînoglu ku amade bûn daxuyaniyekî kurt a çapemeniyê dan. Di daxuyaniyê de hate diyarkirin ku rapora heyetê amade kiriye wê Komîteya Amadekar di roja 28’ê Tebaxê de binirxîne û piştre jî wê daxuyaniyekê bidin. Di daxuyaniyê de ku Kerkûkî û Şengal axivîn, her du yan jî diyar kir ku bêy Komîteya Amadekar raporê binirxîne wê ti daxuyanî nedin û bal kişande ser daxuyaniyên bêne dayîn jî wê ti wateyek wan nebe. Li ser naveroka raporê hate diyarkirin ku rapor bi hûrkolînek pir mezin û baldariyekî mezin hatiye amadekirin û hemû zanyariyên pêwîst di navdane.