Welatiyên gundê Ehrezê ya Helebê ku ji aliyê çeteyên DAIŞ'ê û Komele ve hatibûn revandin û malên wan hatibûn talankirin hatin berdan. Hate gotin ku çeteyan malê welatiyan û nasnameyên wan destserkirin.

Li gorî agahiyên ji çavkaniyan hatine bidestxistin komên çete yên DAIŞ'ê ku bi piştgiriya çeteyên kurd (Komele) ku êrîşî gundê Ehrezê a herêma Babê ya Helebê kiribûn û 170 welatî tevlî mal û milkên wan revandibûn. Çeteyan welatî berdan û malên wan û nasnameyên wan desteserkirin. Çavkaniyên herêmî destnîşan kirin ku koma çete ya girêdayî hin partiyên kurd a bi navê Komele bi çeteyan re êrîşî gundê Ehrezê ya Helebê kiribûn û 170 kes revandibûn.

Hate gotin ku komên çete destpêkê 70 kes serbest berdan û duh di saetên êvarê de hin welatiyên din berdan. Çavkaniyan diyar kirin ku çeteyan nasnameyên welatiyan û malên wan destserkirin. Her wiha bê ku hejmar û çarenûs bê zanîn hin welatî li cem xwe hiştine.

Komên çete yên DAIŞ'ê û bi alîkariya çeteyên Komele destpêka meha kanûnê êrîşî gundê Ehrezê ya herêma Bab û hin gundên din ên kurdan kiribûn û bi sedan kurd revandibûn. Hate ragihandin ku çeteyan gelek zarok û jin jî revanibûn,mal û milkên welatiyan jî talan kirin. Hîn çarenûsa bi dehan kurdên ku ji aliyê çeteyan ve hatine revandin nediyar e.