Ji fermandarên HRK'ê Simko Serhildan di duyemîn salvegera ji destdayîna jiyana xwe de li Herêmên Parastinê yên Medyayê bi merasîmekê hat bîranîn.

Hêzên Rojhilatê Kurdistanê (HRK) û Partiya Jiyana Azad a Kurdistanê (PJAK) bi armanca bîranîna yek ji fermandarên HRK'ê Simko Serhildan û çar şervanên wan Sarya, Egîd, Şahan û Têkoşer ên di çalakiya li Serdeştê de jiyana xwe ji dest dan, merasîmeke bîranînê lidar xistin.

Yek ji fermandarên HRK'ê Şoreş Bokan li merasîmê peyivî û got, "di kesayetiya van hevalan û hemû berxwedêrên berxwedana Qendîlê de pêla dagirkirin û ji holê rakirinê ya hêza dagirker a rejîma Îslamî ya Îranê têkçûye. Piştî şahadeta heval Simko bi dehan ciwanan navê Simko’yan hildan û beşdarî nava refên mebûn.  Piştî sala 2011’an û şûnde di nava du salan de beşdarbûna nava refên me pirr zêde bûye û ev jî bi bandora berxwedana Qendîlê pêşketiye”. 

Şoreş Bokan di dawiya axaftina xwe de destnîşan kir ku ewê bi hemû hêza xwe têkoşîna cangoriyên Kurdistanê bi ser bixin.

Merasîm û civîna şervanên HRK û PJAK’ê bi dirûşmên “Bijî Serok APO, Bê Serok Jiyan Nabe, Bi Can Bixwîn, Em bi terene Ey Serok û Şehîd Namirin” bi dawî bû.