Bi sedan ciwanên Bakurê Kurdistanê ji bo parastina herêma Kobanê herikîn Kobanê û ji aliyê gel ve hatin pêşwazîkirin.

Li ser banga Hevserokatiya Konseya Rêveber a KCK’ê û hikûmeta Kobanê ji bo parastina herêma Kobanê ji êrîşên çeteyên DAIŞ'ê bi sedan ciwanên Bakurê Kurdistanê sînor derbas kirin û ber bi Kobanê ve herikîn.

Ciwan ji aliyê gelê herêmê ve hatin pêşwazîkirin. Ciwanan çek hilgirtin û berê xwe dan çeperên şer û li rex şervanên YPG'ê bicih bûn.

Ciwanan soza parastina herêma Kobanê ji hemû cureyên êrîşan dan û gotin ku xaka Kobanê tu caran çeteyên êrîşkar qebûl neke û nehewîne.

Ji bo hatina ciwanan a li ser banga Hevserokatiya Konseya Rêveber a KCK’ê û hikûmeta Kobanê welatiyên herêmê gelekî kêfxweş bûn.