Li gundê Heybine yê girêdayî Midyata Mêrdînê 60 welatiyên ku di nava berfê de asê mane, li benda alîkariyê ne. Welatiyên 4 rojin asê mane banga lezgîn dikin.

60 welatiyên ku mehek berê ji navçeya Hîzana Bedlisê hatin gundê Heybinê yê Midyata Mêrdînê bi cih bûn, ji ber berfa zêde 4 rojin li gundê xwe asê mane. Welatiyê bi navê Reşat Acar anî ziman ku, wan kepçe kirê kir û ji bo rêya xwe vekin di demjimêrên sibê de dest bi vekirina rê kirine û wiha got: "Me heta 4 kîlometre rêya gund vekir. Êdî kepçe nikare rê veke û em li vir asê mane. Hêj 10 kîlometre rê heye. Ji ber ku em nikarin ka û êm bibin ji pezê xwe re 4 hezar pezê me ji birçîbûnan li ber mirinê ye. Em banga alîkariyê dikin û dixwazin ku alîkarî bê kirin. Niha li vir 60 mirov li hemberî mirinê têdikoşin û di talûkeyê de dijîn. Em banga alîkariya lezgîn dikin."