Li Silêmaniyê, ji bo fermandara YPG û YPJ’ ê Jînda Ronahî (Nevila Yusuf) a ku li Rojava, jiyana xwe ji dest da bû konê sersaxiyê hate vedan.

Şevêdin li taxa Berananî ya bajarê Silêmaniyê, ji bo fermandara YPG û YPJ’ê Jînda Ronahî (Nevila Yusuf) a ku li Rojava jiyana xwe ji dest da bû konê sersaxiyê hate vedan. Di konê sersaxiyê gelek nûnerên PÇDK’ê, PYD’ê û RJAK, parlementerê YNK, saziya malbatên şehîdan, Partiya Pêşverû, Partî Demokratî Kurdistan û gelek partiyên Rojava beşdarî merasîma sersaxiyê bûn. Merasîma bi deqeyek rêzgirtinê despê kir. Birayê fermandara YPG û YPJ’ê Jînda Ronahî, Yusif di merasîmê de axivî û wiha got: "Di kesayetiya şehîd Jînda de em hemû şehîdên têkoşînê bibîrtînin û bejna xwe li ber wan de ditewînîn. Şehîd Jînda weke hemû rêhevalên xwe heta roja şehadetê jî, bi qehremantî di nava berxwedana şoreşa Rojava de rol girtin û di paş de gav ne avêt."

Di merasîmê de Parlementerê Herêma Federal a Kurdistanê Salar Mahmud jî axivî û wiha got: "Şehîdên kurd û Kurdistanê li ku be yan li kîjan parçeyên Kurdistanê be, cîheşanazî, serbilindî û serfiraziyê ji bo me hemûyane." Merasîm bi qêrkirina dirûşmên; "Şehîd namirin", "Bîjî serok Apo", "Kesek nîkare roja me tarî bîkin" bi dawî bû.