Beriya pîrozbahiya 15’ê Tebaxê ya wê li Dihê (Erûh) bê pîrozkirin ji Elezîz, Batman, Amed, Mêrdîn gelek polîs û maşîneyên zirxî veguhestine Sêrtê û bajêr hatiye dorpêçkirin. Gelek kesên ku ji bo çûna Dihê ketine rê li navenda bajêr mahsûr mane.

Beriya Mîhrîcana Çirav a Xweza û Çandê ya ji aliyê Şaredariya Dihê wê îsal a 5’emîn dê were lidarxistin. Sêrt ji aliyê polîsan ve hatiye dorpêçkirin.

Ji navendên wek Elezîz, Batman, Amed û Mêrdînê ku veguhestina maşîneyên zirxî û polîsan pêk tê, ketin û derketina Sêrtê tê astengkirin.  

Li gorî agahiyên hatine wergirtin, ajokarên ku di navbera navçeyan de rêwiyan dibin û tînin hatine tehdîtkirin ku eger rêwiyan bibin Dihê wê 3 hezar TL cezayê pereyan ji wan re bibirin.

Di ketin û derketina Sêrtê de polîsan nuqteyên kontrolê ava kirine, maşîneyan radiwestînin û kontrola nasnameyan dikin. Hîn jî ketin û derketina Sêrtê ji aliyê polîsan ve hatiye girtin û gel di bajêr de mahsûr maye.