Ji Geverê bi sedan welatî bi armanca piştgiriya ji gelê Kobanê re ber bi sînorê Kobanê ve ketin rê.

Rêxistina DBP’ê ya Geverê, rêxistinên civaka sivîl û bi sedan welatî bi armanca li dijî çeteyên DAIŞ li sînor nobetê bigirin û piştgiriya ji berxwedana Kobanê re ber bi Pirsûsê ve ketin rê. Şêniyên Geverê yên bi 10 mînîbusan ketin rê li gel xwe wesayîtek tijî xwarin û av birin.

Serokê Meclîsa Civaka Demokratîk a Geverê Vahît Şahînoglu beriya bikevin rê daxuyanî da. Şahînoglu got ku bi nêzî 250 kesî re ketine rê û wiha dewam kir, "Gelê Geverê amade ye di berxwedana Kobanê de di refên pêş de şer bike.”