Fermandariya Biryargeha Navendî ya HPG’ê bal kişand ser gotinên rastiya wan tune yên der barê gerîlayan de yê wekilê Şaredarê Sîlopiyê yê BDP’ê Husnu Yildirim ku ji BDP’ê hatibû îxrackirin û banga hestiyariyê li gel Silopiyê kir.

Fermandariya Biryargeha Navendî ya HPG’ê derbarê mijarê de daxuyaniyek nivîskî da û got: “Husnu Yildirimê ku niha bi wekaletê şaredartiya Sîlopiyê dimeşîne, derbarê gerîlayên me de di nava gel de hinek îdia û gotinan belav bike. Tu rastiya îdia û gotinên vî kesî tune. Hemû ji derewan diqewime. Ev kes îradeya gelê me xesp dike û bi dizî bi AKP’ê re li hev kiriye û di nava gelê me yê Sîlopiyê de eşîrbûn û malbatan tîne hemberî hev û yektitiya me ya netewî xera dike. Em ji ber rêzdariya xwe ya li dijî gelê xwe yê welatparêz yê Botanê vê daxuyaniyê didin û em di vê mijarê de banga hestiyariyê li gelê xwe dikin.”