Li Başûrê Kurdistanê bajarê Kerkûkê 16 partî û aliyên siyasî yên Kurdistanî, piştgirî dan Şoreşa Rojava û komkujiyên Til Eran û Til Halisê şermezar kirin.

Li bajarê Kerkûkê 16 partî û aliyên siyasî yên Kurdistanî, ji bo piştgiriya xwe ji Rojavayê Kurdistanê re bidin aşkere kirin hatin cem hev û daxuyaniyekî hevbeş dan çapemeniyê. Da daxuyaniyê de berxwedana gelê Rojava hate silav kirin, jibo vekirina deriyê Sêmalka bang li Serokatiya Herêmê hate kirin û êrîşên komên çete û komkujiyên Til Aran û Til Halisê hatin şermezar kirin.

Bi armanca piştgirî dayîna şoreşa Rojava, şermezarkirina komkujî û êrîşên komên çete yên li ser gelê Rojava û di heman demê de ji bo rêveberiya Herêma Kurdistanê di aliyê vekirina deriyê Sêmalka û amborya kû li ser gelê Rojava tê meşandin de şiyar bike, li bajarê Kerkûkê 16 partî û aliyên siyasî daxuyaniyek hevbeş a çapemeniyê dan.

Di daxuyaniya ku li avahiya rêxistina Yekitiya Nîştîmanê Kurdistan (YNK) hate dayîn de, wiha hate gotin: “Em hemû partî û aliyên siyasî yên Herêma Federal a Kurdistanê yên bajarê Kerkûkê piştgiriyê didîn tevayî xebata rewa û nîştîmanî a jibo bidestxistina mafên xwe yên demokratîk û netewî yê gelê Rojavayê Kurdistanê. Li ser vî bingehî em xebat û tekoşîna gelê Rojava rewa û pîroz dibînin. Heta dawiyê em dê piştgiriyê bidin tekoşîna wan û wê dilê me hertim bi gelê me yê Rojava re be.”

Di berdewama daxuyaniyê de êrîşên komên çete û komkujiyên hovane yên li ser gelê sivîl yê Rojava pêkanîne hate şermezar kirin û wiha hate gotin; “Em hemû destwerdanên komên çete û aliyên şovenîst û îslamiyên tundraw kû çav li pêkhateya Kurdan a Rojava nagrin şermezar dikin. Bitaybet qetilkirina welatiyên sivîl yên li deverên Til Aran û Til Hasilê riswa û şirmezar dikîn.”

Herwiha di daxuyaniyê de bang li mamostayên ayînî yên Herêma Kurdistanê bitaybet yên Kerkûkê hate kirin kû, hewla şiyarkirina civakê û gel bidin da kû li pêşiya çûyîna ciwanên Herêma Kurdistanê a nav komên çete bê girtin. Di daxuyaniyê de hate gotin kû, ciwanên ji Herêma Kurdistanê diçin beşdarî komên çete dibin, li ser navê cîhadê diçîn zarokên 5 salî yên Kurdan ser jê dikin û malên wana talan dikin. Divê mamostayên ayînî di vê derbarê de gelê me şiyar bike kû tu eleqeya van komên çete bi îslamiyet û nirxên mirovahiyê re tüneye, berevajiyê wê dijmintiya ola îslamê dikin.”

Di dawiya daxuyaniyê de 16 partî û aliyên siyasî bang li her sê serokatiyên herêmê, hikûmetê û parlementoyê kirin kû helwesta xwe a jibo alikariya gelê Rojava aşkere bikin û wek pêngava pratik ya vê helwesta xwe jî deriyê Sêmalka ji gelê Rojava re vebikin.