Rêxistina BDP'ê ji bo piştevaniya bi gelê Rojava re li Stenbolê alîkarî berhev kir û alîkariya ku berhev kir ji gelê Rojava yên Serêkaniyê re şandin. Piştgiriya ku ji gelê Rojava re hat şandin gihişt Serêkaniyê.

Rêxistina BDP'ê ya Stenbolê ji bo tevkarî û piştgiriya gelê Rojava kampanya dabû destpêkirin. Kampanya alîkariyê berdewam dike. Alîkariya ku hat komkirin bi 2 kamyonan ji gelê Rojava re şandin Serekaniyê. Alîkariya ku ji 2 kamyonê alav û amûrên ku di nav de potên zarokan, arvan, zexîreyên hişk û pêdiviyên din ên mirovahiyê hebûn, gihiştin Serêkaniyê. Rêveberê BDP'ê yê Stenbolê Murat Kalmaz û Serokê BDP'a navçeya Kuçukçekmece Mehmet Oran alîkariya ji bo gelê Rojava bikamyonan anîn Serêkaniyê û teslîmî rayedarên Şaredariya Serêkaniyê kirin.

Serokê BDP'a Kuçukçekmece Mehmet Oran diyar kir ku, wan alîkariya sexîreyan ji 10 navçeyên Esenyurt, Kuçukçekmece û Bagcilarê kom kirine û şandine Serêkaniyê. Oran bang li hemû gelê ku li bajarên Rojavayê Tirkiyeyê dijîn kir û xwest her kes piştgiriyê bide gelê Rojavayê Kurdistanê. Endamê komîsyona belavkariyê Orhan Arslan diyar kir ku, heta niha yekem car alîkarî û tevkarî ji dervey herêmê ji Stenbolê ji wan re tê û ev alîkarî wan kêfxweş dike û dixwazin her tim di nava piştevanî û tevkariyê de bin.