Şaxa Mazlum-Der ya Amedê ji ber sedema daxuyaniyên Waliyê Amedê Mustefa Toprak yên di derbarê Şahîn Oner yê di encama wesayîta zirxî ya polîsan pê lêkir û jiyana xwe ji dest dayî, bertek nîşanda û xwest berpirsyaran derxînin beramberî dozger. Di daxuyaniyê de hate gotin ku, “Kiryar polîs, parêzvan dewlet, yê bincil jî dike çapemenî; klasîkek ya Tirkiyeyê.”

Şaxa Mazlum-Der ya Amedê têkildarî Şahîn Oner yê di 10’ê Sibata 2013’an li Semta Şehîdlîk ya Amedê di dema protestokirina komploya 15’ê Sibatê de wesayîta polîsan pê lê kir û jiyana xwe ji dest da, civînek ya çapemeniyê li darxist.

Di daxuyaniya ku hate gotin, “Kiryar polîs, parêzvan dewlet, yê bincil dike çapemenî; klasîkek ya Tirkiyeyê”, Serokê Şaxa Mazlum-Der ya Amedê Prz. Abdurehîm Ay têkildarî daxuyaniyên Waliyê Amedê Mustefa Toprak yên derbarê Şahîn Oner de bertek nîşanda û da diyarkirin ku, li gorî şahidên bûyerê, qeydên formên ambulance û rapora otopsiyê sedemê mirinê li holê ye.

Ay anî ziman ku, rayeyên ku ji aliyê peywirdarên ewlekariyê ve bi zagona têne naskirin, nebaş bikartînin û gelek caran jî mafê herî bingehîn yê mirovan dixin bin lingan. Ay destnîşan kir ku, di vê bûyerê de dema ezmûna hikumet û darazê ye.

Ay da zanîn ku, ew dê şopdarê bûyera Şahîn Oner bin û got; “ Yan dê di demek kurt de walî û berpirsyaran ji erkê bigirin û derxînin beramberî darazê, herî kêm dê bibe asteng ku ev deqên xwînê di wijdanan de belav nebin, yan jî dê bibin hevparê qatîlê Şahîn Oner.”