Komela Mafên Mirovan (KMM) a Rojavayê Kurdistanêbi daxuyaniyeke nivîskî, dîwarê şermê yê ku dewleta Tirk  di navbera Rojava û Bakurê Kurdistanê de lê dike, şermezar kir.

Komela Mafên Mirovan da xuyakirin ku biryara lêkirina 'dîwarê şermê' di navbera Bakur û Rojavayê Kurdistanê de biyareke dûrî exlaq û nirxên mirovahiyê. KMM'ê destnîşan kir ku armanca lêkirina vî dîwarê dûrî zagonên cîhanê, qutkirina miletê Kurd ê li Bakur û Rojavayê Kurdistanê ye.

Di dawiya daxwiyaniyê de Komela Mafên Mirovan a Rojavayê Kurdistanê bang  li hemû sazî  û dezgehên mafê mirovan ên cîhanî û herêmî hat kirin ku li hemberî vê yekê derkevin û bêdeng  nemînin.