Komên çete yên ku xwe wekî Artêşa Azad nîşan didin li bajarê Helebê êrîşî taxên kurdan û bendên kontrolê yên YPG’ê û Eniya El-Ekrad kirin. Li ser vê yekê YPG’ê û El-Ekrad bersiv dan û şer derket.

Li gorî agahiyên ji herêmê hatin wergirtin, koma ser bi kesê bi navê Xalid Heyanî, komên bi navê Rebîi El-Erebî, Liwa Selahaddîn û hin komên girêdayî Partiya Azadî bi çekên giran êrîşî bendên parastinê yên taxên Şêxmeqsûd, Eşrefiye, Sekin Şebabî û Şiqêf ku piranî kurd lê dijîn kirin.

Hate ragihandin ku di encama bersivdayîna hêzên YPG’ê û Eniya El-Ekrad de şer derket. Hate gotin ku kuştî û birîndarên êrîşkaran çêbûne, lê agahiyên zelal nehatin bidestxistin.

Pevçûn didomin.