Rêxistina BDP'ê ya Amedê, têkildarî 14'emîn salvegera Komploya Navneteweyî ya ku Rêberê Gelê Kurd Abdullah Ocalan di encamê de hate giritn û anîn Tirkiyeyê li avahiya xwe civîna çapemeniyê pêk anî. Hevserokên BDP'a Amedê diyar kirin ku dê li her derê 15'ê Sibatê bi girseyî şermezar bikin.
Rêxistina BDP'ê ya Amedê der barê 15'ê Sibatê roja anîna Rêberê Gelê Kurd Abdullah Ocalan a Tirkiyeyê de li avahiya BDP'ê civîna çapemenyê pêk anî. Di civînê de Hevserokên BDP'ê, Mehmet Emin Yilmaz û Zubeyde Zumrut daxuyanî dan.

Yilmaz, diyar kir ku 14'emîn salvegera 15'ê Sibatê roja anîna Rêberê Gelê Kurd Abdullah Ocalan bi berxwedana gel hatiye pûçkirin û wiha got: "Em 15 Sibatê şermezar dikin. Em dê di 15'ê Sibatê saet di 13.00'an de li taxa 5 Nisanê kom bibin 3u heta Parka Koşuyolu meşek girseyî pêk bînin." Hevseroka BDP'ê ya Amedê Zumrut jî 15'ê Sibatê şermezar kir û xwest di 15'ê Sibatê de her kes tevlî meşê bibin.
Li gelek navçeyên Amedê jî dê civîn bên lidarxistin û 15'ê Sibatê bi girseyî bên şermezarkirin.
Bernameya der barê 15'ê Sibatê de wiha ye: "
7 Sibat
* Li navçeya Peyasê meşa meşaleyî: (18.00)
* Bi tevlêbûna nûnerên eniya kedê û rêveberên BDP'ê li avahiya BDP'ê dê li avahiya BDP'ê civîn bê lidarxistin. (10.00)
9 Sibat
* Li taxa Ben û Senê meşa meşaleyî: (18.00)
10 Sibat
* Li Peyasê meşa meşaleyî: (18.00)
* li taxa 5 Nîsanê ya Rezan li ber meclisa taxê meşa meşaleyî: (18.00)
* Li taxa Îskender Paşa ya Sûrê li qada Newrozê meşa meşaleyî: (18.00)
* Li salona konferansê ya Vedat Aydin ya BDP'ê ya Amedê panela der barê 15'ê Sibatê de: (12.00)
15
* Li taxa 5'ê Nîsanê li parka Koşuyolu meş û daxuyanî (13.00)