Li Amedê kes yan jî kesên nasnameya wan nediyar bi molotofan êrîşî Midûriyeta Perwerdeya Netewî ya li navçeya Yenîşehîrê kir. 4 wesayîtên di baxçeyê avahiyê de zirar dîtin.

Li gorî agahiyên ku hatine girtin, şeva Sêşemê kes yan jî kesên nasnameya wan nediyar bi molotofan êrîşî Midûriyeta Perwerdeya Netewî ya li navçeya Yenîşehîra Amedê kirine.

Di êrîşa molotofan de 2 mînîbusên fermî û 2 wesayîtên sivîl ên di baxçe de zirar dîtine, her wiha agirê ku di encama molotofan de rû da jî ji aliyê îtfayê ve hate vemirandin.