Artêşa Tirk li Herêmên Zap û Xakûrkê yên girêdayî Herêmên Parastina Medya keşif pêk anîn. Her wiha li navçeya Aricak a girêdayî Elezîzê jî li derdora ava Narbiç, Mircik, Rumelka operasyonek destpê kir. Operasyona duh destpê kir bê encam vekişiya.

Navenda Çapemenî û Ragihandina HPG’ê (NÇR-HPG) ku daxuyaniyeke nivîskî weşand got ku balafirên bêmirov ên aîdî artêşa Tirk 12’ê Îlonê saet di navbera 13.30 û 15.00’an de û dîsa 13’ê Îlonê (îro) saet di navbera 02.00 û 03.00’an de li herêma Zapê keşif pêk aniye. Dîsa hat diyarkirin ku 12’ê Îlonê saet di navbera 11.30 û 13.00’an de balafirên bêmirov li herêma Xakûrkê keşif pêk anîne.

OPERASYONA LI ARICAK BÊ ENCAM VEKIŞIYA

Li gel vê NÇR-HPG destnîşan kir ku artêşa Tirk 12’ê Îlonê li ber ava Narbiç, Mircik û Rumelka ya li sînorê navçeya Articak a Elezîzê operasyonek daye destpêkirin û got: “Ev operasyon heman rojê saet 20.00’an de bê encam vekişiyaye.”

Dîsa hat diyarkirin ku li qadên Şehîd Mizgîn û Şêx Cuma yên girêdayî Bedlîsê 12’ê Îlonê saet 15.00’an heta niha artêşa Tirk keşifan pêk tîne.

Li gel vê NÇR-HPG diyar kir ku artêşa Tirk ev demeke sewqiyata leşkerî ji bo Qereqola Şêx Cuma ya girêdayî Bedlîsê pêk tîne.