Ji bo hilbijartinên dewreya 4'an ya parlemana Kurdistanê îro serê sibê hilbijartin destpê kirin. Li gelek cihan amêrên elektronîk yên dengdanê kar nakin û astengî ji bo dengdanê derdikevin. Li herêmên Zaxo û Duhok jî hate zanîn ku endamên PDK’ê li ber buroyên hilbijartinan dengdêran di sekinînin û dixwazin berê wan biguherînin.

Hilbijartin saet di 07:30 ’an de dest pê kir. Li gelek navendan amûrên elektronîk yên hilbijartinê kar nakin. Li Zaxo li dibîstanên Ş. Rêber û li Duhokê jî li dibîstana Îbtidaî, li van her dû navendane tu amûr kar nakin.

Her wiha hate zanîn ku li Zaxo û Duhokê endamên PDK’ê li ber derê dibîstanên ku deng lê têne dayîn rawestane û qartên partiya xwe didin gel û jiwan dixwazin ku dengê xwe bidin lîsta PDK’ê.