Hat ragihandin, li bejahiya Agiriyê yekîneyên nepenî yên artêşa Tirk di nava tevgerê de ne. Tevgera leşkerî ya di navbera Bazîdaxa û Bazîdê de dewam dikin.

Li gorî agahiyên hatin bidestxistin, ji 29'ê Tebaxê û vir ve li qadên Rebena, Buruka û Dera Kentê yekîneyên nepenî yên artêşa Tirk di nava tevgerê de ne. Hat ragihandin ku li herêma mijara gotinê tevger û xebatên yekîneyên kontra zêde bûne.

Di vê naberê de liv û tevgera leşkerî ya li derdora Kiressariksu ya navçeya Wan Bazîdaxayê jî dewam dike.

Piştî firînên keşfê yên 29'ê Tebaxê li qada navbera navçeya Agirî Bazîd û navçeya Wan Bazîdaxayê, hejmareke zêde leşker û maşînên leşkerî hatibûn veguhastin.