Li Çînê xebatkarên rojanmeya herî mezina Çînê ya bi navê ‘Heftenameya Başûr’ li dijî sansureke ku pir kêm tê dîtin ketin grevê.

Ji 100’î zêdetir rojnameger tevlî grevê bûn û bi gelek kesên li ber avahiya rojnameyê hatin cem hev bi dovîzên wekê ‘Em azadiya çapmeniyê, makeqanûn û demokrasiyê dixwazin’ hildan.

Sedema grevê ew e ku di hefteyên borî de di peyama sersalê ya rojnameyê de reform hatibû xwestin û ev ji aliyê rayedarên propagandayê ve hatibû guhertin. Di peyamê de îfadeyên ‘divê mafên makeqanûnî bikevin ewlehiyê’ cih girtibû û di encama mudaxaleya rayedarên propagandayê de bi gotinên ku pesnê partiya Komunîst ya desthilatdariyê guhertibûn û sansur kiribûn.

Xebatkaran jî bo bersivê bidin sansurê, şefê propagandayê yê eyaleta Guangdong bi nêzîkatiya dîktatoriyê sûcdar kiribû.

Hewldanek din jî ew e ku 50 xebatkarên rojnameyê bi du nameyên vekirî diyar kirin ku ev pêngaveke pir hişke û xwest şefê propagandayê Tuo Zhen îstîfa bike.

Xebatkarên rojnameyê şeva yekşemê di malpera xwe ya blog a fermî de diyar kir ku gotinên ku karên nivîsan ji ber sansurê ji peywirê hatiye girtin jî derewand.