Li Colemêrgê komek ciwanên ku helwesta hikûmeta AKP'ê ya gavan navêje şermezar kir, rastî mudaxeleya polîsan hat. Pevçûna di navbera ciwan û polîsan de heta derengiya şevê berdewam kir.

Li Colemêrgê komek ciwanên ku taxên Medrese û Bîçekê kom bûn, bi boneya balê bikşîne ser pêvajoya çareseriya demokratîk ku Rêberê Gelê Kurd Abdullah Ocalan daye destpêkirin û helwesta hikûmeta AKP'ê ya li dijî vê pêvajoyê çalakî pêk anîn. Ciwanên ku li kolanên taxa Medrese û Biçer kom bûn, li ser rê bend danîn û ji bo PKK'ê silogan qîr kirin.

Ciwanan piştî demekê çalakî pêk anîn polîs bi wesayîtên zirxî hatin taxê û bi bombeyên gazê êrîş kirin. Ciwanan jî bi keviran bersiv da polîsan. Pevçûna di navbera polîs û ciwanan de heta derengê şevê dom kir. Pevçûna ku piştre li taxên Kiran, Berçelan û Pehlivanê belav bû bi siloganên "Silav silav ji Îmraliyê re hezar silav" û "Bijî Serok Apo" bi dawî bû.