Li Edenê, ciwanên Kurd ji bo komkujiya li Rojava şermezar bikin daketin kolanan. Li ser destwerdana polîsan pevçûn derket û di encamê de maşîneke zirxî ya polîsan a bi tîpa "akrep" hat qelibandin.

Li navçeya Edene Seyhanê, komek ji ciwanên rûpêçandî li Bûlvara Başûr a taxa Hurriyetê hatin cem hev û ji bo balê bikşînin ser komkujiya li Rojava, rê li trafîkê girtin. Lê belê çalakiya ciwanan li destwerdana polîsan a bi maşînên zirxî, ava şid û bombeyên gazê rast hat. Ciwanan jî bi kevir û molotofan bersiv dan êrîşa polîsan û pevçûn mezin bû. 

Di vê kêliyê de maşîneke zirxî ya polîsan a bi tîpa "akrep" dema ji molotofên ciwanan direviya, qelibî. Di encamê de 3 polîs birîndar bûn û rakirin nexweşxaneyê. Ciwanan jî çalakiya xwe heta demekê dewam kirin û dûre li nava kolanan belav bûn.