Nûnerên partiyên siyasî yên Efrînê çêkirina “dîwarê şermê” ku ji aliyê hikumeta Tirk ve di navbera Bakûr û Rojavayê Kurdistanê de tê danîn şermezar kir.

Endamê Partiya Yekîtiya Demokrat li Sûriye (Yekîtî) Hesen Çawîş diyar kir ku, çêkirina dîwar lidûrî exlaqê mirovahiyê ye û zirarê dide hemî pêkhateyên herêmê.

Endamê Partiya Yekîtiya Demokratîk (PYD) Pîrqedar Bekir jî çêkirina dîwar şermezar kir û anî ziman ku, bi vî dîwarî tê xwestin ku vîna gelê Kurd yê li Bakûr û Rojavayê Kurdistanê bê şikandin. Bekir diyar kir ku, hikumeta Tirk bi tu awayî nikare rê li ber vîn û berxwedaniya gelê Kurd bigire.