Mîtînga "Berxwedana Rojava Berxwedana me ye" bi pêşengiya Tevgera Jinê ya Azad û Demokratîk (DOKH) tê lidarxistin, bi herikîna bi hezaran kesî li qadê, destpê kir.

Li Êlihê, mîtînga "Berxwedana Rojava Berxwedana me ye" bi pêşengiya Tevgera Jinê ya Azad û Demokratîk (DOKH) tê lidarxistin, bi herikîna bi hezaran kesî li qadê, destpê kir.

Li qada mîtîngê ya li Bûlvara Koçeran pankartên mezin ên weke, “ Bakur, Başûr, Rojhilat û Rojava em yek in”, “An azadî an azadî”, Roj roja me ye ax axa me ye” û “gelê Rojava ne bi tenê ye” hatin deliqandin.  Bi hezaran jinên ku herîkîn meydanê bi cil û bergên herêmî û flamayên kesk, sor û zer ku girêda bûn, bal kişandin. 

Li meydanê, girseyê posterên Rêberê Gelê Kurd Abdullah Ocalan û alên KCK û PKK’ê hilgirt. 

Ji navenda Êlihê, Sason, Kerçewc, Heskîf, navçeya Qûbîn, ji bajarok û gundên derdorê gel bi wesayîtan hatin meydana xwepêşandanê. 

Li meydana xwepêşandanê ku ji aliyê polîsan ve hate dorpêçkirin, gel di 8 nuqteyên kontrolê de tên derbaskirin û xwe digihînin qada mîtîngê

Bi hezaran beşdarên mîtîngê li ber muzîkê govendê digerînin û li ser hev sloganên “bijî berxwedana YPG”, “Bijî Serok Apo” û “Bijî berxwedana Rojava” diqîrin.

Polîsên Tirk her weha derketin ser avahiyên bilind ên li derdora qada mîtîngê û dîmenan dikşînin.
 
Mîtîng bi coşeke mezin dewam dike.