Şaredariya Êlihê, Êzidiyên ji ber êrîşên çeteyên DAIŞ'ê yên li Şengalê ji neçarî hatin Êlihê û li Malên Gel diman, li wargeha ji konan a li gundê Qorix ê Qûbînê bicih dike. Hevşaredar Gulîstan Akel ji gelê Êlihê xwest, ku alîkariya heta roja îro daye, ji niha û pê ve jî dewam bike.

Wargeha ji konan a ji bo Êzidiyên ji neçarî ji Şengalê hatin Êlihê ji aliyê Şaredariya Êlihê ve hat çêkirin, dest bi xizmetê kir. Êzidî, li wargeha konan a ji bo 2 hezar kesî li gundê Qorix ê navçeya Êlih Qûbînê berî çend mehan dest bi çêkirina wê hatibû kirin û di 22'ê Îlonê de temam bû, hatin bicihkirin.

Kurdên Êzidî yên ji ber komkujiya li Şengalê ya çeteyên DAIŞ'ê neçar mabûn cih û warên xwe biterikînin û tevî gelek bajarên bakurê Kurdistanê hatibûn Êlihê, heta niha li Malên Gel ên Şaredariya Êlihê hatibûn bicihkirin. 

Hevşaredar Gulîstan Akel kar û barên barkirina ji Mala Gel a Edîp Solmaz li gel Alîkara Hevşaredar Semra Guneş û endamên meclîsa Şaredariyê li cih şopand û ji ber herstyariyê ji gelê Êlihê re spas kir. Akel xwest, Êlihî alîkariya ku heta niha ji bo Kurdên Êzidî nîşan dabû, ji niha û pê ve jî bidomîne.