Piştî merasîma cenazeyê Bemal Tokçu yê ku ji aliyê polîsan ve hate qetilkirin, dinavbera ciwan û polîsan de pevçûnên ku derketin  bidawî bûn.

Îro piştî merasîma cenazeyê Bemal Tokçu yêkû ji aliyê polîsan ve hate qetilkirin, dinavbera ciwanên Geverê û polîsan de pevçûn derketin. Polîsên Tirk bi bombeyên gazê û mermîmiyên pilastîk mudaxeleyî ciwanan kirin. ciwanan jî bi keviran bersîv dan polîsan. Tevî berfa zêde jî heya saetên direng yên êvarê dinava ciwan û polîsan  de pevçûn berdewam kirin. piştî ku dinya tarî bû pevçûnên ku heyîn bidawî bûn.

Hêjayî bi bîranînêye ku, di 7’ê kanûnêde piştî merasîma cenazeyê Mehmet Reşîd Îşbilir û Veysel Îşbilir, polîsên Tirk mûdaxeleyî girseyê kiribûn. Di mûdaxeleya polîsan de Tokçu bi guleya polîsan bi giranî ji serê xwe birîndar bibû û ew rakirbûn nexweşxaneya Wanê. Di 11’ê Kanûnê de jiyana xwe jidest da. Di rapora pêş Otopsîde hatibû piştrastkirin ku Tokçu bi çekê ji serê xwe derbe xariye û jiyana xwe jidest daye.