Li Geverê, li nuqteya Mehmet Reşît Îşbîlîr û Veysel Îşbîlîr ji aliyê polîsan ve lê hatin qetilkirin, piştî 16 saetan lêkolîna cihê bûyerê destpê kir.

Li navçeya Colemêrg Geverê, ekîbên lêkolîna cihê bûyerê, piştî 16 saetan li cihê Mehmet Reşît Îşbîlîr û Veysel Îşbîlîr ji aliyê polîsên Tirk ve lê hatin qetilkirin, dest bi lêkolînan kir. Lêkolîn danê sibê li ber Navenda Kar a Alp a li ser rêya Şemzînanê destpê kir.

Ji ber ku lêkolîna cihê bûyerê piştî 16 saetan destpê kir, fikar hene ku hewl tê dayîn delîl werin windakirin.