Li Herêma Kurdistana Federal, du roj beriya hilbijartinên parlamentê yên 21'ê Îlonê, hêzên ewlekariyê çûn ser sindoqan.

Hêzên Asayîş, Pêşmerge û Polîsan, îro saet ji 07.00 û pê ve dest bi dayîna dengan kirin. Lê belê di kar û barên dayîna dengan de pirsgirêkên cidî rû dan.

Ji ber pirsgirêka di cîhazên elektronîk de, bi sedan pêşmerge, polîs û leşker li ber buroyên dengan civiyan.

Hat hînbûn, ku li Silêmanî, Duhok, Hewlêr, Zaxo û gelek bajarên din, ji ber pirsgirêkên teknîkî yên di van cîhazan de, kar û barên dengdayînê bi giranî dimeşin. Tê gotin ku eger pirsgirêk çareser nebe, dê dayîna dengan heta saet 17:00 dewam bike.

Fikar tê kirin ku ev pirsgirêka teknîkî ya li cîhazên elektronîk di 21'ê Îlonê de rû bide.