Li Kobanê di encama çalakiya YPG û Odeya Çalakiyan a Volkan El Firatê ya li dijî çeteyên DAIŞ'ê de 3 wesayît û tankek çeteyan hatin rûxandin, yek jê Emîr 14 çete hatin kuştin.

Di navbera şervanên YPG-Odeya Çalakiyan a Volkana El-Firat û çeteyên DAIŞ’ê de duh bi şev şerekî giran qewimî. 

Li rojavayê Kobanê Odeya Çalakiyan a Volkana El-Firat, çalakiyek di navbera gundê Xerab Eto û Zormixarê de lidar xist. Di encamê de 3 wesayîtên leşkerî hatin rûxandin û di encamê de yek jê emîr 14 çete hatin kuştin.

Her wiha şer û pevçûnên giran di navbera şervanên YPG’ê û çeteyên DAIŞ’ê li gundê Talik, Cib el-ferec, Dugirman û Boraz yên ku li rojavayê herêmê ye derketin. Li gorî agahiyan çeteyên DAIŞ’ê çekên giran bi kar anîn û şer li gundê Talikê hîn didome.

Li aliyê rojhilatê herêmê jî şer û pevçûn li gundê Serzorî, Cirin, Kopirlik, Bîrkêtik, Saronc û Qizelî de derket. Di şerê ku çeteyan tank û çekên giran bikar anîn de, YPG'ê tankeke çeteyan li gundê Bîrkêtikê rûxandin. Di şer de gelek çete ku hejmara wan ne diyare hatin kuştin. Şer û pevçûnên li herêmê hînê dewam dike.

Li aliyê başûrê herêmê jî çeteyan Tilê Şehîd Xabûr û gundê Cadee bi bombayên hawan û tankan bombabarkirin. Hêza hevbeş a girêdayî Volkana Firatê bersiva wan dan û şer û pçevçûnan heta serê sibê dewam kir.