Li paytexta Fransa Parîsê, çalakiyên li 5 herêmên cuda ji bo Rojava hatin lidarxistin bi mîtîngek li qada La Republique bi dawî bû.

Mîtîng ji aliyê Meclîsa Çandê ya Parîsê ve hat organîzekirin û bi hezaran beşdaran alên PYD'ê hildan û bi dirûşman êrîşên çeteyan şermezar kirin. Di mîtîngê de ji bo alîkariyê dezgehên xwarinê hatin danîn, alîkarî hatin komkirin, dosya û belavokên bi armanca agahdarkirinê hatibûn amadekirin, hatin belavkirin.

Hunermendên ser bi Meclîsa Çandê Hozan Rizgan, Tehir Reşo, Sara û Koma Bermal derketin ser dikê û Serokê Akademiya Kurdistanê ya Parîsê Mûrat Ceylan axaftinek kir.

Ceylan da xuyakirin ku şoreşa li Rojava bi keda şehîdan û felsefeya Rêberê Gelê Kurd Abdullah Ocalan hatiye avakirin û destnîşan kir ku Kurdistaniyên li Ewropayê dê bi ruhê seferberiyê xwedî li şoreşa Rojava derkevin.

Çalakî bi dirûşme û govendê bi dawî bû.